نشرت تحت تصنيف سيدتى بأقلام مبدعين

الشاعر محمود العزب يكتب…أنا اخترتِك

أنا اخترتِك

عِشِقتِك مهمـا لامونى
ياقلبى وروحى وعيونى
وحبِّيتِك وفَضَّلتِك
على كل اللِّى شاغلونى
وخَلِّيتِك على بالى
وطول الوقت فى خيالى
وبأحاسيسى أنا اخترتِك
وكل مشاعرى وشجونى
وشُفتِـك جُوَّه أحلامـى
هنايـا وسَعـد أيامـى
ولَمَّا اصحَى وانا ف سيرتِك
أقول ياريـت ماصَحُّونـى.

شعر/محمود العزب