نشرت تحت تصنيف نصائح منزليه

للسيدات تعلمى نشر الغسيل بدون معلم؟!

 

تعد الملابس أكبر ناقل للعدوى ومكون للبكتيريا بداخلها، وهو ما يجعل ربة المنزل عليها أن تتبع إجراءات صحية عند نشر الملابس لتجفيفها فى الهواء.

ونقدم عدة نصائح هامة تهملها بعض السيدات، أهمها:
– انثرى الملابس على الأحبال واتركى فراغات فيما بينهما ليتخللها الهواء وأشعة الشمس جيدا، ولا تتراكم فى مسامها العفن والرطوبة.

– ابتعدى عن ترك الملابس كثيرا على الأحبال، فقد تلتقط الكثير من الأتربة والبكتيريا من الهواء.

– لا تجمعى الملابس وتضعيها مباشرة فى الخزانة، بل اتركيها للتهوية فى درجة حرارة الغرفة كى تتخلص من الرطوبة إن وجدت.

– ابتعدى عن نشر الغسيل داخل المنزل، أو فى الأحبال الداخلية، فهو يساعد على تنامى البكتيريا والفطريات. – اهتمى بنشر الغسيل فى أوقات صباحية والشمس ساطعة فهى قاتلة للميكروبات والبكتيريا. – اهتمى بنوعية مساحيق الغسيل، فأغلبها لا يقضى على البكتيريا.

– اهتمى بغسل وشطف الملابس جيدا حتى لا تبقى عليها الرواسب الضارة بالصحة والبشرة.

خطوات نشر الغسيل

1– الأبيض في الحبل الأولانى.. ليه لحد دلوقتى معرفش.. تقريبا علشان الجيران تعرف أنك بتستعملى مسحوق كويس نضافة.. ريحة.. وتوفير.
2 – القصير قدام والطويل ورا.. علشان كل الغسيل يشوف الشمس
3 – افردى الغسيل قطعة قطعة جوه البلكونة قبل ما تنشريه وإلا هتلاقى حاجات عجيبة بتقع عند الجيران.
4 – تيشرتات جوزك متشديهاش من الحرفين والا هيجى يلبسها يلاقى طلع لها ودان من الجنبين ويبقى استايل جديد بسببك.
5 – أي شىء له جيوب بيتتنشر بالمقلوب (تنفع مطلع أغنية.. وده علشان الجيب ينشف من جوه كويس).
6 – أي حاجة قماش مطاطى من أي نوع تتنشر من النص وإلا هتلاقى البادى طوله زاد وبقى جلابيه.
7 – اوعى تطلعى تنشرى وقت الضهر.. هترجعى من البلكونة شبه بكار أبو كف رقيق وصغير.
8 – المشابك الخشب أحسن من البلاستيك.. معرفش ليه، بس أمى قالت كده، متزعلوهاش.
9- تحذير.. لو غسالتك مش بتعصر يبقى مضطرة تتفقدى بلكونات الجيران اللى تحتك؛ لأن لو نقطة ميه جت على غسيلهم هتباتى في القسم وإحنا مش ناقصين مصايب.
10 – لو لقيتى جارتك سبقتك في النشير قولى لها: شيلى الغسيل.. لو قالت: مبلول..قولى لها “حطى مشمع “..لو معندهاش مشمع.. سلفيها المشمع اللى عندك.. لو مش عندك روحى اشترى.. تتجوزى ليه من غير مشمع وتزهقينا.
11 – الألوان اللى شبه بعض جنب بعض (ودى فذلكة زيادة منى مش أكتر).


ده العلم اللى أعرفه لحد دلوقتى عن الغسيل..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s