نشرت تحت تصنيف الأم والطفل

حدوته قبل النوم…..خلق أدم

… خلق أدم ….

 

عاوزكم تعرفوا يا حبايبي ان الملايكه اتخلقت قبل ادم

 و كمان الشياطين …

و الارض كان عليها حياه مش مهجوره …

كان عليها  كل الحيوانات اللى شايفنها دى و النباتات

كلها كانت موجوده و عايشه

 

و لما ربنا اراد يخلق ادم …

طلب من سيدنا جبريل انه ينزل الارض و يقبض منها قبضه

و القبضه دى كانت من اديم الارض او تربه الارض

 ملونه حته بيضا و حته سمرا و حته حمرا

علشان كده اولاد ادم ملونين مش حته واحده

 و عشان كده اتسمى ادم من اديم الارض ..

و عجن ربنا التراب ده و سابه

 و لما سابه طلعتله ريحه

فكان ابليس يعدى و يقول ايه الشئ كريه الرائحه ده ؟؟!

و يا ترى هيبقى ايه؟؟

 

 و فى يوم ربنا شكل الانسان

رسم عينيه و مناخيره و بقه و اعضاؤه

و نفخ فيه من روحه

و هنا اتحرك ادم و عطس

فلما عطس قال الحمد لله

 فربنا رد عليه يرحمك الله

و من هنا اتكتب على ادم و ابناؤه الرحمه ..

 

 كل ده حصل لكن محدش كان عارف مهمه ادم هتكون ايه بالضبط

او ايه فايدته

كل اللى الملايكه يعرفوه انه مخلوق علشان يبقى هو ايد ربنا فى الارض

 و منفذ ارادته عليها …. لكن ليه ؟ … هو مايعرفوش ..

فلما ربنا اتم خلق ادم

جاب الملايكه و جاب مخلوقات تانيه

معادن و طيور و حيوانات

و طلب من الملايكه انهم يقولوا اسامى الحاجات دى

بس الملايكه مايعرفوش ايه دى

 فسكتوا و سبحوا لربنا

و قالوا ملناش علم غير اللى علمته لنا يا رب

 فلما طلب من ادم يقول اسامى الحاجات

قالها و هو ده السر اللى ربنا حطه فى ادم

انه يعرف اسامى الحاجه

و يعرف يستخدمها

 و يعرف مزاياها و عيوبها ..

 ومن هنا كان هو اصلح واحد يقدر يستغل موارد الارض و يستخدمها ..

 و امر ربنا الملايكه يسجدوا لادم

فسجدوا

 لكن ابليس استكبر انه يسجد لطين

و قال ان ادم ضعيف و مخلوق من صلصال

و انا مخلوق من نار

 اسجدله ازاى

و مناقشه ربنا فى امر من اوامره كفر

خصوصا ان ده كان و ابليس شايف ربنا و موقن بوجوده

و عارف ان هو الخالق ..

فغضب عليه ربنا و طرده من رحمته

فطلب ابليس انه يفضل مايموتش لحد يوم القيامه

و ربنا استجاب له

فحلف ابليس انه يغوى الناس

علشان يثبت لربنا ان اختياره لادم كان غلط

و انه مايستاهلش النعمه دى ..

 

و بدأ ادم يعيش مع الملايكه و يسبح معاهم

مانزلش الارض لان كل شئ عند ربنا باوان ..

 بس ادم مكنش يقدر على عيشه الملايكه

لانه انسان حس بالوحده برغم انه كان فى الجنه

 

 و فى يوم صحى من النوم لقى مخلوقة جميلة جمبه

سألها انتى مين

فقالت له انا جزء منك

خلقنى الله لاكون معك و علشان ماتبقاش وحيد

 فسأله الملايكه سميتها ايه يا ادم

قال سميتها حواء لانها منى و انا حى ..

 و قيل سميتها حواء لانها تحتوينى ..

و عاش ادم و حواء فتره فى الجنه

 و ربنا امرهم انهم مايقربوش من شجره بعينها

فاستغل ابليس فضول ادم و حبه للممنوع

و هيأله ان الشجره دى فيها خلود و فيها قوه

فاكل منها ادم و لما اكل و لقاها عادى

فاق و حس بالندم

لكن ربنا غضب عليه و خرجه من الجنه و نزله الارض

 و بعد فتره ربنا رضى على ادم و علمه الدعاء

و عاش ادم فى الارض و اتعلم يتأقلم مع جوها

و بدأ يفهم سر وجوده

 و بدأت حواء تولد ولد ورا ولد 

و كان اول اولاد ادم 

 

قابيل و هابيل 

 

…….

 

تصبحوا علي خير حبيبي … وبكرة نكمل الحكاية

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s