نشرت تحت تصنيف الصجه ورشاقه

تمارين لوسط نحيف ومثالي

اكيد كل البنات بتتمنى وبتحلم توصل لوسط نحيف ومنحوت ومثالي زي الموديلز والمشاهير, المشكلة مش بنعرف نوصل لده ازاي وكمان ممكن نكون معندناش وقت اننا نمارس رياضة بشكل كافي عشان نوصل للشكل اللي احنا عايزينه, ومش كلنا بنقدر نروح الجيم دايما, عشان كده احنا النهاردة هنحل لكم المشكلة دي بـ 5 تمارين بس تعملوهم في البيت هتوصلكم لوسط نحيف ومثالي مش هتاخد منك اكتر من 15 دقيقة في اليوم وهتشوفي نتايج ملحوظة جدا خلال 30 يوم بس.

1- التمرين الاول:

– اول خطوة هتنامي على الارض وهتخلي الذراعين جنيك, افردي رجلك وابدأي ارفعيها لفوق وميليها ناحية الراس تقريبا بزاوية 45 درجة بحيث ترفعي منطقة المؤخرة عن الارض, وحافظي على الذراعين والكتفين على الارض.

– ميلي الساقين ببطء ناحية اليمين لحد ما تحسي ان عضلاتك مالت ناحية اليمين او بتتحرك معاكي.

– رجعي الساقين للمركز او في النص من غير ما تنزليهم على الارض وبعدين ميليهم ناحية الشمال, ثبتي الحركة لكل ناحية لمدة 2 ثانية, كرري الحركة بدلي ما بين الناحية اليمين والشمال اكتر من مره.

تمارين لوسط نحيف ومثالي

2- التمرين التاني:

– اقعدي على الارض وخلي ضهرك مشدود وبشكل مستقيم, افتحي الساقين اوسع من مستوى الكتفين بشوية, وافتحي الذراعين جنبك.

– لفي بالكتفين بزاوية 90 درجة, والمسي رجلك الشمال بايديك اليمين, ارجعي للوضع الاولاني, وكرري نفس الحركة للجنب التاني والمسي رجلك اليمين بايديك الشمال, واثبتي على الحركة لكل جنب 30 ثانية, كرريه اكتر من مره.

تمارين لوسط نحيف ومثالي

3- التمرين التالت:

– التمرين ده هنستخدم فيه الدامبلز ولو مش متوفر عندك في البيت ممكن تستخدمي ازازة مية صغيرة مليانة مية بديل للدامبلز لان الوزن هيعمل توازن اثناء التمرين.

– اقعدي على الارض وامسكي الدمبلز بايديكي الاتنين, اتني الركبتين بس خلي القدمين مسطحين على الارض, ميلي بضهرك ناحية الارض 45 درجة, وخلي الذراعين قدام الصدر.

– لفي ناحية اليمين بمنطقة الجذع بس يعني المنطقة اللي فوق وخلي اللي تحت ثابتة, بعدين ارجعي لوضع البداية ولفي ناحية الشمال, كرري التمرين 30 مرة لكل جنب.

تمارين لوسط نحيف ومثالي

4- التمرين الرابع:

– اقعدي على الارض على جنب واحد وخلي الساقين مايلة شوية للجنب, اسندي بايد على الارض والايد التانية جنبك, ارفعي منطقة الورك من على الارض وارفعي ايدك فوق راسك اعملي بالحركة شكل قوس.

– نزلي ايدك جنبك ببطء واثبتي على الحركة دي وعدي لحد تمانية, كرري التمرين 15 مرة ورا بعض للجنب اليمين, وبعدين اعمليها 15 مرة للجنب الشمال.

تمارين لوسط نحيف ومثالي

5- التمرين الخامس:

– نامي على معدتك, ارفعي الذراعين للامام وارفعي الساقين والفخدين ومنطقة الصدر من على الارض.

– ارفعي الايد اليمين مع الرجل الشمال في الهوا, وبعدين بدلي وارفعي الايد الشمال مع الرجل اليمين, وافضلي بدلي بينهم في الهوا 10 مرات وكل مره عدي لحد 20 مع كل حركة, خدي راحة 10 ثواني وكرري الحركات تاني.

تمارين لوسط نحيف ومثالي

نشرت تحت تصنيف الجمال

عادات لو عملتيها هتخلي بشرتك متألقة ونضرة وصحية

البشرة النضرة والجلد الصحي هي حلم كل بنت بس المشكلة اننا مش بنعرف نوصل لده ازاي, ده غير عوامل الجو اللي بتأثر على بشرتنا كل يوم بشكل سلبي وبتضرها, ايه بقى اللي المفروض نعمله عشان نحمي بشرتنا ونحافظ عليها دايما نضرة وصحية ؟ ده اللي هنعرفه النهاردة من خلال المقال بتاعنا من خلال عادات لو عملتيهم هتحافظي على بشرتك نضرة وشباب على طول.

20 عادة تحافظي بيهم على جمال ونضارة البشرة1- تقشير الجسم بانتظام:

حافظي على تقشير الجسم بشكل منتظم مرة في الاسبوع, افركي الجسم باستخدام السكر وزيت الزيتون وبليفة خشنة بحركات دائرية عشان تتخلصي من خلايا الجلد الميتة..

2- ترطيب البشرة:

رطبي البشرة بشكل يومي بكريم مرطب لنوع بشرتك وكل ما تغسلي البشرة لازم ترطبيها على طول.. 

3- استخدمي قناع الجيلاتين لازالة الرؤوس السودا:

استخدمي قناع الجيلاتين بانتظام كل 15 يوم عشان تتخلصي من الرؤوس السودا, اخلطي الجيلاتين مع اللبن وحطيه في الميكروويف لمدة 10 ثواني وحطيه على بشرتك لحد ما ينشف وبعدين قشرية من على البشرة,

4- اغسلي بشرتك قبل النوم:

قبل ما تنامي اغسلي وشك بالغسول المناسب لبشرتك او بمية دافية عشان تنضفي المسام من الاتربة والبكتيريا.. 

5- حطي صن بلوك: 

لو بتنزلي في الشمس لازم متنسيش الصن بلوك قبل ما تعرضي بشرتك للشمس عشان تحميها من الاشعة فوق البنفسجية لانها من اكتر الاسباب اللي بتسبب التجاعيد المبكرة للبشرة, وبقع الجلد, والنمش, وحتى سرطان الجلد.. 

6- اشربي مية كتير:

اشربي كمية كفاية من المية يوميا لان ليها دور مهم جدا في ترطيب البشرة وحمايتها من الجفاف, وبتنقيها من الشوائب.

7- استخدمي جل الصبار:

جل صبار الالوفيرا من الحاجات المفيدة جدا للبشرة, ممكن تحطي منه يوميا تحت العين وحوالين الفم وتنامي بيه وتغسليه الصبح, الطريقة دي بتحمي البشرة من التجاعيد والخطوط الرفيعة اللي بتظهر في الاماكن دي بشكل خاص, ممكن تكرري الوصفة من مرتين لتلات مرات في الاسبوع.

8- اتخلصي من القلق:

حاولي انك تتخلصي من القلق والتوتر والاجهاد لان الحالة النفسية من اكتر الحاجات اللي بتأثر بشكل سلبي جدا على البشرة.

9- زيلي المكياج:

متنسيش خطوة ازالة المكياج قبل النوم يعني منكسلش ابدا وننام بيه لانه بيسد مسام البشرة وبيسبب ظهور الحبوب وبيخلي شكلها مش صحي.. 

10- اشربي ديتوكس:

حاولي على الاقل مرة في الشهر اشربي مشروب الديتوكس اللي بيسموه دايما مشروب الجمال لانه بيطرد السموم من الجسم وبيحافظ جدا على نضارة البشرة, ممكن تخلطي بنجر مع عصير برتقان وجزر وتفاح ونص خيارة وشوية كرفس اضربيهم مع بعض في الخلاط واشربيهم المشروب ده بيرطب البشرة وبيطرد السموم.. 

الرياضة مهمة جدا مش بس لصحة الجسم كمان لصحة البشرة لانها بتعزز عملية الايض وده بيحفز عملية تجديد البشرة وهيحافظ عليها دايما صحية.

12- قشري البشرة:

حافظي على تقشير البشرة بانتظام كل 15 يوم باي كريم مقشر او بمقشر طبيعي باستخدام مكونات طبيعية زي خلط الزبادي والسكر وفرك البشرة في حركات دائرية, ده بيساعد على تقشيرها وتجديد خلايا الجلد.. 

13- نامي كويس:

خدي ساعات كافية من النوم يوميا لان قلة النوم بيخلي البشرة مجهدة ومرهقة وباهتة, عشان كده لازم ننام كويس جدا ونوم عميق متواصل مش متقطع.

14- اعملي ماسكات للبشرة:

اهتمي انك تعملي ماسكات طبيعية للبشرة من مرتين لتلات مرات في الاسبوع, بالنسبة للبشرة الدهنية ممكن تستخدموا ماسكات بالشوفان, وللبشرة الجافة ممكن تستخدموا قناع الافوكادو لانه مغذي للبشرة وبيرطبها, ولو بشرتك مختلطة ممكن تستخدمي ماسك العسل والبابايا.

15- خدي بيوتين:

البيوتين من اكتر انواع الفيتامين اللي بتعزز عملية تجديد البشرة وبتحافظ عليها صحية وكمان مفيدة جدا لصحة الضوافر وبتخليها تنمو بشكل اسرع, ممكن تاخدي كبسولة واحدة كل يوم الصبح, والبيوتين هو فيتامين سولوتابل وده موجود بشكل طبيعي في المية عشان كده لازم نشرب كمية مية كفاية يوميا.

16- استخدمي الطين:

 

طين البحر الميت من الحاجات المفيدة اوي للبشرة وخصوصا الدهنية وللي بيعانوا من الدهون في منطقة التي زون T-Zone اخلطي الطين بالمية وحطيه على البشرة, واستخدميه بانتظام من مرتين لتلات مرات في الاسبوع.

17- استخدمي الخيار:

الخيار يعتبر صديق البشرة لانه بيرطبها وبيفتحها وبيحافظ على نضارتها, وزي ما كلنا عارفين شرايح الخيار من الحاجات المعروفة جدا لعلاج الهالات السودا, وعصير الخيار مفيد جدا للبشرة بشكل عام لو انتظمتي على استخدامه لانه يعتبر بلسم ومرطب للبشرة وبيساعد على تجدديها.

18- استخدمي اكياس الشاي:

اكياس الشاي مفيدة اوي للهالات السودا وعلاج انتفاخات العين, حطيه على عينك لعلاج الهالات وللانتفاخات ممكن تحطيه في التلاجة شوية قبل ما تحطيه على العين هيجيب معاكي نتيجة احسن, وممكن تستخدمي الشاي الاخضر مرتين في الاسبوع للبشرة كلها بيساعد على شد المسام وبيحمي البشرة من الشيخوخة وكمان ليه تأثير مضاد للبكتيريا.

19- اتجنبي رش البرفيوم على البشرة:

لما تيجي ترشي البرفيوم خلي بالك انك ترشي بعيد عن البشرة لان المكونات اللي فيه ممكن تضرها وتكسر الكولاجين اللي تحت الجلد.

20- اختاري نوع المكياج بعناية:

لما نيجي نختار المكياج ومستحضرات العناية بالبشرة بشكل عام لازم نختار انواع وماركات مضمونة ومعروفة عشان منضرش بشرتنا وافتكري دايما ان الجلد بيمتص على طول اي حاجة بتتحط عليها عشان كده لازم نخلي بالنا من اي حاجة بنحطها على البشرة ونختار الحاجات اللي متضرهاش.

21-أغلى بعض الماء وضعى به قليل من الأرز ثم صفيه جيداً واستخدمى الماء الناتج عنه لأنه مفيد جداً فى تفتيح البشرة .

22- كثرة استعمال ماء الصنبور يسبب جفاف البشرة فاستبدليه بماء الورد واغسلى وجهك به .

23-على وجه علبة الزبادى يوجد قليل من الماء وهو مفيد جداً وصحى لجمالك بللى قطعة من القطن بهذا الماء وامسحى بها وجهك ورقبتك فهو منظف رائع للوجه .

24- ” شرش ” الجبن له مفعول قوى على جمال ونضارة البشرة فبللى قطعة من القطن به ووزعيه على وجهك ورقبتك واتركيه لمدة ربع ساعة ثم اغسلى وجهك جيداً .

25- أول وأفضل نصيحة ممكن أن تتبعها المرأة هى الإكثار من شرب الماء فله مفعول السحر لأنه يعمل على ترطيب البشرة ونضارتها .

26- لمن تعانى من حبوب الوجه اخلطى كوبا من الماء مع ملعقة ملح وقليل من الليمون وامسحى به وجهك .

27- الضحك بمثابة رياضة يومية فعالة جداً لشد البشرة ونضارتها كما أنه يعمل على تخفيف أو إخفاء التجاعيد .

28- النعناع رائع للبشرة فانقعى كمية منه لمدة ليلة وفى الصباح اغسلى وجهك بالماء الناتج فله مفعول السحر على بشرتك .

 لو مشينا على الحاجات دي وخليناها اسلوب حياتنا على طول بشرتنا هتختلف خالص وهتفرق معانا اوي وهنلاقي البشرة بقى شكلها صحي جدا ونضرة على طول.

نشرت تحت تصنيف الزفاف

بالصورمجموعة فساتين زفاف 2017 david tutera for Mon cheri collection

بالصورمجموعة فساتين زفاف 2017 david tutera for Mon cheri collection

 

 

بالصورمجموعة فساتين زفاف 2017 David

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

 

 

بالصورمجموعة فساتين زفاف 2017 David

نشرت تحت تصنيف المطبخ

طريقه عمل سلطة البطاطس بالمايونيز

سلطة البطاطس بالمايونيز

  

سلطة البطاطس بالمايونيز طبق مغذي جدا وصحي ومناسب تماما لأطفالك، كوجبة غداء شهية، تتكون من البطاطا والبيض المسلوقين والمقطعين، مع الكرفس، البصل، والمخلل، مع الخردل والفلفل الأسود والمايونيز.
المقادير
  • 5 حبات بطاطا
  • 3 بيضة
  • 1 كوب من الكرفس، مفروم
  • نصف كوب من البصل، مفروم
  • نصف كوب من مخلل الحلو
  • ربع ملعقة صغيرة من ملح الثوم
  • ربع ملعقة صغيرة من ملح الكرفس
  • 1 ملعقة كبيرة من الخردل
  • فلفل أسود للنكهة
  • ربع كوب من المايونيز
 
طريقة التحضير
  1. في قدر كبيرة، اسكبي ماء مملح واتركيه ليغلي، ضعي البطاطا ودعيها لتصبح طرية لكن ما تزال قاسية، لحوالي 15 دقيقة، جففيها، برديها، قشريها وقطعيها.
  2. ضعي البيض في مقلاة، وغطيهم بالماء البارد، اتركيه حتى يغلي، غطيهم، أبعديهم عن النار، ودعي البيض في الماء الساخن لــ10 -12دقائق، أخرجيهم من الماء الساخن، برديهم، قشريهم وقطعيهم.
  3. في وعاء كبير، ضعي البطاطا، البيض، الكرفس، البصل، المخلل، ملح الثوم والكرفس، الخردل، الفلفل والمايونيز، اخلطيهم جيداً وبرديهم حتى يتجمدوا