نشرت تحت تصنيف سيدتى

3 حاجات نعملها علشان تبقى السنة الجديدة سنة سعيدة علينا كلنا

بقالي كذا يوم عايزة أكتب عن السنة الجديدة ومن وسط كل الأفكار اللي فكرت فيها قررت أكتب حاجة تانية خالص علشان مش عايزة أكتب بوست مثالي زي ما معظم الناس بتعمل.

عايزة أكتب كلام حقيقي من قلبي ليكم عن حاجات بسيطه جربتها ونفعت معايا في ٢٠١9 فنفسي تبدأوا بيها السنة الجديدة يمكن تعمل فرق ولو بسيط في حياتكم.

أولا غيري طريقتك مع حياتك:
السنة اللي فاتت دي أنا تعبت فيها جسديا ونفسيا بزيادة، مش عارفة ليه حاساها كانت سنة دمها تقيل، علي طول إحساس الساقية مسيطر عليا والأيام كلها مُتعبة واللي بننام عليه بنصحي عليه.

بطريقة التفكير دي وحشة جدا وإكتشفت إنها بتحبطني. إصحوا كل يوم فرحانين باليوم الجديد وإشكروا ربنا علي نعمة الصحة وإنكم قادرين تبقوا في ساقية بس قدها و قدود. إبدأوا يومكم كل يوم بفكرة إيجابية واحدة هتلاقوا نفسكم طاقتكم ويومكم حاجة تانية.

ثانيا غيري طريقة تعاملك مع ولادك:
أنا عملت كدا وبقيت ببص لهم علي قد إيه هما نعمة كبيرة أكتر من مجهودى وتعبي معاهم. أكيد الولاد محتاجين طاقة مهولة بس هما في الآخر نعمة مش نقمة. بسمع أمهات بتتكلم علي ولادها بطريقه بتخليني هتجنن إزاي هما مش حاسين بقيمتهم كدا وغيرهم يتمني طفل. لو إتعاملتوا معاهم من قلبكم بحب وبطلتوا تبصوا ليهم علي إنهم عاملين مشاكل أو حارمينكم من الشغل أو حددوا إقامتكم أو كدا، علاقتكم كلها هتتغير وهتتحسن فوق ما تتصوروا.

ثالثا غيري طريقتك مع نفسك:
إعملي حاجة لنفسك تشكري نفسك عليها. خدي بالك من صحتك، كلي أكل صحي، إلعبي رياضة هتلاقي نفسك نفسيتك أحسن كتير وطاقتك هتتحسن وهتدي بيتك وولادك أحسن كتير. آخر ٥ شهور أنا بطلت آكل حاجات كتير غلط وبقيت أمشي كل يوم في أي وقت ممكن. خدت بالي من نفسي والنتيجة إنى خسيت ١٠ كيلو وبقيت أسرع وأخف وأنشط مع ولادي.

إبتدوا السنة الجديدة بطريقة مختلفة. أكيد لو ٢٠١9 وحشة جزء من وحاشتها كان بسببنا. إحنا لينا دخل كبير أوي في الطريقة اللي بتمشي بيها حياتنا. خشوا السنة الجديدة ناويين تغيروا فيها حاجات في حياتكم، شوفوا حاجة واحدة تشتغلوا عليها كل شهر. هتلاقوا نفسكم مغيرين١٢ حاجة آخر السنة.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s