نشرت تحت تصنيف سيدتى

5 أنواع من الباد بويز اللي ممكن تقابليهم في حياتك

 سؤال إحنا ليه دايما بنقع في حب الباد بويز وبننجذب لهم بقى أصعب من أسئلة الثانوية العامة، رغم إن برضو في تحليلات وإجابات كتير هتلاقيها في الموضوع ده وإحنا نفسنا حاولنا نجاوب عليه هنا.

بس الأهم من ليه، هو ايه هم أنواع الباد بويز اللي ممكن تقابليهم في حياتك واللي كتير منه برضو ممكن تنجذبيله وتنبهري بيه.

والنهاردة قررت أشاركك تفكيري وتحليلي للموضوع من واقع السينما المصرية اللي ساهمت كتير في تجميل صورة الباد بوي بصراحة برضو…

1- حازم في السلم والتعبان

حازم في فيلم السلم والتعبان

“الباد بوي اللي مابيطولش في أي علاقة عاطفية”

طبعا لازم يبقى أول واحد نذكره هو شخصية حازم في فيلم السلم والتعبان، الفيلم اللي عرض واحدة من قصص الحب اللي بيعشها كتير من جيل الفيلم ده. وخلى نموذج حازم من أشهر نماذج الباد بويز. والنوع الأول في الباد بويز هو بالظبط زي بطل الفيلم حازم.

الشاب الجان الحليوة اللي بيحب البنات، اللي ممكن يجذبك في الأول، لكنه في الأساس مابيقدرش يتحمل مسئولية علاقة عاطفية، وعايز يعيش حر من غير جواز. وممكن ينهي العلاقة في أي وقت لمجرد أنه “زهق”.

وطبعا مش أكيد ان في الحقيقة يطلع زي حازم في الفيلم برضو ويعملك إعلان في الشارع عشان ترجعيله! ناخد بالنا.

2- خالد في سهر الليالي

خالد في سهر الليالي

“الباد بوي الخاين”

الشخصية الأشهر في عالم الباد بويز. الراجل الخاين، اللي بيقضيها مع كل البنات، بس عارف أنه هيرجع يلاقيكي مستنياه.

ده بيعمل ما بداله، وكل مرة يا بينكر، يا بيعتذر ويهديكي بكلمتين.

احذري تماما من هذا النوع لأن حبك ليه ممكن يعميكي عن حاجات كتير ويخليكي تقبلي بحاجات صعبة ومع الوقت ممكن تخسري احترامك لنفسك وليه طبعا. الخيانة وعدم الاحترام كفيل يدمر أي علاقة.

3- رشيد في أسوار القمر

رشيد في أسوار القمر

“الباد بوي التوكسيك”

عمدة الباد بويز، شبه شخصية رشيد في فيلم أسوار القمر، الشخص المطرقع اللي عايش حياته بالطول والعرض والبنات حواليه دايما، وممكن تطيري من الفرحة لما يُعجب بيكي.

بس بتكتشفي بعد كده أن الحياة الوردية دي مش كده فعلا، وأن السيطرة وحب التحكم ممكن يكرهك في حياتك.

شخصية رشيد موجودة كتير في حياتنا، الشخص المبهر من برة واللي ممكن تسيبي حب حقيقي لمجرد انبهارك بيه. بس لما بتقربي أول بتعرفي الحقيقة وبيتحول ليكون شخص توكسيك يخلي حياتك أسوأ.

4- سامح في سهر الليالي

صورة ذات صلة

“الباد بوي اللي بيخاف من الارتباط”

الـ Fear of Commitment اللي هيودينا في داهية! وكانت شخصية سامح في سهر الليالي مثال قوي جدا عن النوع ده من الباد بويز.

الشخص اللي بتقابليه ويبقى في بينكوا تفاهم وحب وكل حاجة حلوة، بس للأسف بيكون عنده نوع من الخوف من الارتباط واللي بيجر وراه بقى خوف من تحمل المسئولية وهوس وخوف جديد من فشل العلاقة.

الموضوع حقيقي مُرهق نفسيا لما ترتبطي بشخص بيقرب بس خايف من القرب ده، وخايف تجمعكوا علاقة طويلة الأمد! في يا إما تحليله مشكلته يا إما تبعدي خالص.

5- عمر في عن العشق والهوا

عمر في عن العشق والهوا

“الباد بوي الأناني”

“لو كرهوك ماكنوش اتوجعوا يا عُمر” عالية لخصت شخصية عُمر في الجملة دي. عُمر في العشق والهوا من أشهر الباد بويز اللي ممكن يمروا في حياتك. والمشكلة انك ممكن جدا تحبيه وعشان كده هتتوجعي.

مشكلة هذا النوع من الباد بويز هى الأنانية، عايز كل حاجة من غير ما يخسر حاجة، مش عايز يتوجع هو حتى لو حساب غيره، مابيتنزلش وبيحاول يمسك العصايا من النص عشان مافيش حاجة تفوته. النوع ده خطير جدا وممكن ماتكتشفيش عيوبه إلا متأخر.

نشرت تحت تصنيف المطبخ

طريقة عمل الحواوشي الاسكندراني باللحم أو السجق

يبحث كثيرين عن طريقة عمل الحواوشي الاسكندراني خاصة من تذوقه بالفعل لن ينساه وسيظل دائما يرغب في تناوله، ونحن هنا اليوم نقدم لك طريقة عمله بتوابله الخاصة المميزة التي ستجعله كالمحلات، وكذلك نقدم لك طريقة عمل عصاج اللحم وطريقة عمل الحواوشي التقليدية بالخبز البلدي.

طريقة عمل الحواوشى الاسكندرانى

مقادير طريقة عمل الحواوشي الاسكندراني

3 أكواب دقيق

كوب ماء دافئ

3 ملاعق كبيرة  لبن بودرة

ملعقة كبيرة سكر

ملعقة كبيرة خميرة فورية

¼ كوب زيت

½ كيلو لحم مفروم

½ كيلو بصل مفروم فرمًا ناعمًا

3 ثمرات فلفل أخضر مفروم فرمًا ناعمًا

قرن فلفل حار مفروم حسب الرغبة

ملعقة صغيرة بهارات مشكلة، أو بهارات حواوشي

ملح وفلفل أسود

طريقة عمل الحواوشي الاسكندراني

ضعي الخميرة والسكر و¼ كوب من الماء الدافئ، وقلبي جيدًا، ثم ضعيه في مكان دافئ ومظلم لمدة 15 دقيقة.

وفي وعاء أخر، ضعي الدقيق واللبن البودرة والزيت واعجني جيدًا.

أضيفي إلى الخليط السابق خليط الخميرة واعجني جيدًا، ثم أضيفي باقي الماء تدريجيًا، حتى تحصلي على عجينة طرية ومتماسكة.

غطي الوعاء بفوطة نظيفة، ثم ضعيه في مكان دافئ لمدة 60 دقيقة.

في وعاء كبير أخر ضعي اللحم والبصل والفلفل الأخضر والحار والملح والفلفل الأسود والبهارات، واعجني جيدًا.

غطي الوعاء، ثم ضعيه في الثلاجة لمدة ساعة.

سخني الفرن عند درجة حرارة 180.

قسمي العجين واللحم إلى كرات، ثم افردي الكرة الأولى، ثم افردي كرة اللحم فوق كرة العجين، وبعد ذلك افردي الكرة الثانية من العجين، ثم ضعيها فوق اللحم، ثم اغلقي طرفي العجين بالشوكة، ثم كرري هذه الخطوات مع باقي العجين واللحم.

ادهني الوجه بالزبد أو الزيت، ثم رصيها في صينية مدهونة بالزيت، وضعي الصينية في الفرن لمدة 25 – 30 دقيقة، حتى يصبح لون الحواوشي ذهبيًا.

طريقة عمل الحواوشى الاسكندرانى بالسجق

لعمل الحواوشي الاسكندراني بالسجق اتبعي نفس خطوات العجين واستبدلي اللحمة المفرومة بالسجق بهذه الطريقة:

مكونات طريقة عمل الحواوشي الاسكندراني بالسجق:

1و1/2 كوب دقيق

½ كوب ماء دافئ

1و1/2 ملعقة كبيرة  لبن بودرة

½ ملعقة كبيرة سكر

½ ملعقة كبيرة خميرة فورية

1/4 كوب زيت

½ كيلو سجق

1/4 كيلو بصل مفروم فرمًا ناعمًا

ثمرتين فلفل أخضر

ملعقة صغيرة بهارات مشكلة، أو بهارات حواوشي

ملح وفلفل أسود

طريقة عمل الحواوشي الاسكندراني

ضعي الخميرة والسكر و1/2 كوب من الماء الدافئ، وقلبي جيدًا، ثم ضعيه في مكان دافئ ومظلم لمدة 15 دقيقة.

وفي وعاء أخر، ضعي الدقيق واللبن البودرة والزيت واعجني جيدًا.

أضيفي إلى الخليط السابق خليط الخميرة واعجني جيدًا، ثم أضيفي باقي الماء تدريجيًا، حتى تحصلي على عجينة طرية ومتماسكة.

ضعي الوعاء في مكان دافئ لمدة 60 دقيقة.

ثم اخلطي اللحم والبصل والفلفل الأخضر والملح والفلفل الأسود والبهارات، واعجني جيدًا.

غطي الوعاء، ثم ضعيه في الثلاجة لمدة ساعة.

سخني الفرن عند درجة حرارة 180.

قسمي العجين واللحم إلى كرات، ثم افردي الكرة الأولى، ثم افردي كرة السجق فوق كرة العجين، وبعد ذلك افردي الكرة الثانية من العجين، ثم ضعيها فوق السجق، ثم اغلقي طرفي العجين بالشوكة، ثم كرري هذه الخطوات مع باقي العجين واللحم.

ادهني الوجه بالزبد، ثم رصيها في صينية مدهونة بالزيت، وضعي الصينية في الفرن لمدة 25 – 30 دقيقة، حتى يصبح لون الحواوشي ذهبيًا.

بهارات الحواوشي الاسكندراني

مكونات بهارات الحواوشي الاسكندراني:

½ ملعقة صغيرة بابريكا

½ ملعقة صغيرة بهارات حلوة

¼ ملعقة صغيرة حبهان مطحون

½ ملعقة صغيرة كمون

¼ ملعقة صغيرة قرفة

1 ملعقة صغيرة كزبرة جافة

ملعقة صغيرة قرنفل

ملح وفلفل أسود

الطريقة: اخلطي كل المكونات معا في محضر الطعام على ½ كيلو لطعم قوي أو كيلو لطعم أقل قوة، قبل أن تبدئي.

تتبيلة اللحمة المفرومة للحواوشي

يمكنك استخدام العصاج في عمل الحواوشي بهذه الطريقة:

مكونات تتبيلة اللحمة المفرومة للحواوشي:

½ كيلو لحمة مفرومة

بصلة مفرومة ناعم

ملعقتين زيت

ملح وفلفل أسود

جبنة موتزريلا

خبز بلدي

طماطم مفرومة

فلفل مفروم

طريقة تتبيلة اللحمة المفرومة للحواوشي:

حمري البصل المفروم في القليل من الزيت حتى تذبل.

ضعي اللحمة المفرومة وقلبيها حتى يتغير لونها، واتركيها حتى تنزل كل الماء بداخلها، وأضيفي ماء بعد ذلك حسب الحاجة حتى تمام التسوية.

في هذه الأثناء قطعي الطماطم والفلفل واخلطيهم مع خليط اللحمة.

ضيفي كل توابل الحواوشي وضعيها في أرغفة العيش البلدي ضعي الخليط في الخبز وعلى اللحم ضعي جبنة موتزريلا.

ضعي الأرغفة على الجريل المدهونة بالزيت على البوتجاز وقلبيه على الوجهين.

ويمكن عمل هذه التتبيلة مع لحمة أو فراخ أو سجق.

طريقة عمل حواوشي لحمة

 

مقادير حواوشي لحمة:

زيت

ملح فلفل اسود

ربع كوب بهارات حواوشي

عيش بلدي صغير

كيلو لحمة مفرومة

1/2 كوب بقدونس مفروم

½  كوب فلفل رومي مفروم

2 فصوص ثوم مفروم

نصف كوب بصل مفروم

طماطم مفرومة

طريقة عمل حواوشي لحمة:

اخلطي البصل مع ملح والفلفل والبهارات لعمل الحواوشى مع الفلفل الرومي و البقدونس والطماطم.

ضيفي اللحمه الى الخليط مع البقدونس و قلبي جيدًا.

ضيفي الثوم واستمري فى الخلط حتى تتجانس المكونات ثم يوضع فى العيش بشكل متساوى.

رصي العيش على صينية الفرن من ورق الزبدة و يرش بزيت و ملح وفلفل و بهارات الحواوشى.

أدخلي الفرن حتى يكتمل النضج لمده 15 الى 20 دقيقة وقدميه.

بعد أن تعرفتي على طريقة عمل الحواوشي الاسكندراني وطريقة عمل الحواوشي العادية ومكونات وطريقة تتبيلة الحواوشي فلا تترددي وجربي أي منهما وشاركينا تجربتك بلمساتك الخاصة.