نشرت تحت تصنيف سيدتى بأقلام مبدعين

جميلة الجميلات شعر/محمود العزب

جميلة الجميلات شعر/محمود العزب


جميلة الجميلات
شعر/محمود العزب

 

حبيبتـى جميلة الجميلات
وجُوَّه عيونها فيهْ حكايات
بِتجذبنى لهـا بالذَّات
وفيهـا مَزايـا لِهنايا
بِتتوافِـق مع هَوايـا
وتِبعِدنى عن الـزَّلَّات
وبِتخَلِّينـى أعشَقهـا
وسبحانُهْ اللِّى أنشأها
وزَوِّدها بأحلَى حاجات
وزيِّنـهـا وحَلاَّهــا
وخَلاَّ عيونى شايفاهـا
تَمَلِّى حِلـوِة الحِلوات.

17/5/2016

نشرت تحت تصنيف سيدتى بأقلام مبدعين

إيهْ النِّظام شعر/محمود العزب

إيهْ النِّظام

شعر/محمود العزب

هُوَّه إيه بَـسْ النِّظام
وانتِ حُبِّك مُش كلام
وانتِ قَمَرى وانتِ عُمرى
وانتِ ياحياتـى الغرام
وشاغلَهْ أفكارى وخيالـى
وبابقَىَ ويَاك ف انسِجام
وكُل يوم وانتِ فى بالـى
وبالقَى عشَقِك فى المنـام
وانتِ أجمَـل حُب عَندى
وانـتِ روحـى ع الدَّوام
وانـتِ واخده كُـل وِدِّى
وكُل حُبِّى والسلام.

21/4/2016

نشرت تحت تصنيف سيدتى بأقلام مبدعين

حياتى كُلَّها إنتِ شعر/محمود العزب

حياتى كُلَّها إنتِ

شعر/محمود العزب

حيـاتـى كُلَّهـا إنـتِ
ياروحى وقلبى وجَميلتى
وبالقَـىَ فيكى أحلامـى
ووطنى وحُبِّى وعشيقتى

وانـا ويَّاكـى باتهَنَّـىَ
وبابقَىَ معاكى فى الجَنَّهْ
وكُلِّى شاريكى ياغرامى
وعُمرى كُلُّـهْ وحبيبتى.

18/4/2016

نشرت تحت تصنيف سيدتى بأقلام مبدعين

آخرِةْ صَبرى شعر/محمود العزب

آخرِةْ صَبرى

شعر/محمود العزب

حَبِّيتِك ياحياتـى وحُبِّـى
ولَقيتِك فى دماغى وقلبـى
وخَلِّيتِك ساكنَهْ فى مَشاعرى
ولحُبِّـك ماقدِرت أخَبِّـى

وباكتِب لِك أشعارى أغانـى
مليانَـهْ حُـب على أمانـى
ولَقيت انِّـك آخرِةْ صَبرى
وطول عُمرِك تَعَبِك مِن تَعَبى.

15/4/2016

نشرت تحت تصنيف سيدتى بأقلام مبدعين

ياروحى وشووقى وحَنينى شعر/محمود العزب

ياروحى وشووقى وحَنينى

شعر/محمود العزب

ياروح قلبى ونور عينى
باحِبِّـك مَهمـا تِنسينـى
وباحـزَن لَمَّـا تِجافينـى

وباستحمِـل هَوان بُعـدِك
ولا ليَّـا حَبيـب بَعـدك
ياروحى وشووقى وحنينى

وانـا بقُربِك مافيـش قَدِّى
وحُضنِك أغلَىَ شئ عندى
وحُبِّـك تاج على جَبينـى.

12/4/2016

نشرت تحت تصنيف سيدتى بأقلام مبدعين

عِشِقت الليل شعر/محمود العزب

عِشِقت الليل

شعر/محمود العزب

عِشِقت الليل عشان خاطرِك
وباعشَق كُـل يوم سَهَرِك
لإنُّهْ بزيدلى فـى حُبِّـك

وبيزيل مِنِّـى حِرمـانـى
وبالقـاك فيـهْ مِوافقانـى
على سعادتى وانـا بقُربِك

وبابقَى بروحى ويَّاكى
وانا ياروحى باهواكى
وانا ياحبيبتى مُغرم بِـك.

7/4/2016

نشرت تحت تصنيف سيدتى بأقلام مبدعين

مَدَّاح القَمَر شعر/محمود العزب

مَدَّاح القَمَر

شعر/محمود العزب

وأقول لِك إيهْ وانا اقول لِك
علشان نِرتاح

ومَشاعرى تِوصَل لِمشاعرِك
ونعيش بِنجاح

وحياتنـا تِزهزه مع حُبِّك
مِسا ويَّا صباح

وقَمرنا ياقَمرى بِغار مِنِّـك
لَوْ بَدرِك لاح

وانا قلبى اللِّى بيِسأل عَنِّك
فى هَواك مَدَّاح.

5/4/2016

نشرت تحت تصنيف سيدتى بأقلام مبدعين

الشاعر/محمود العزب يكتب روحى وياكى

روحى ويَّاكى

ومين ياحبيبتى ينساكى
وأنا العاشِق لِدُنياكى
وكل مشاعرى واخدانى
إليكى وروحـى ويَّاكى

نشرت تحت تصنيف سيدتى بأقلام مبدعين

نِفسى شعر/محمود العزب

نِفسى اشوفِك ياحياتى بدون هُموم
كُل ثانيهْ وكُل ساعهْ وكُـل يـوم
والسعاده عايشهْ فيهـا وبِتلاقيها
والقمـر نَوَّر لياليـك والنُّجـوم
والمصاعِـب كُلَّهـا قادره عليها
والمتاعِـب سهلهْ وانتِ بتزيليها
وتِبقى فرحانهْ ونقول على حُبِّك
يدووووووووووووووووووووم.

5/11/2015

شعر/محمود العزب

نشرت تحت تصنيف سيدتى بأقلام مبدعين

زينةْ النَّاس ….شعر/محمود العزب

زيدينى معـاك إحساس
يامَحبوبتى يازينةْ الناس
وحِسِّـى بااللِّى جُوايَّـا
وبااللِّى ف حُبِّى من إخلاص
وانا طول عُمرى باحتاج لِك
وباعشَق فيك وباشتاق لِك
ياعقلى وروحـى وهَوايـا
وقلبى بِحِـب فيـك بحماس
ومِـن حُـبِّـك أنـا طايـر
وشَـدَّه عيونـى بضفايـر
مافيـش مِنهـا فى دُنيايـا
وضَىْ عِنيـك قَمَـر ونَّاس.

شعر/محمود العزب

1/11/2015

نشرت تحت تصنيف سيدتى بأقلام مبدعين

الشاعر محمود العزب يكتب…أنا اخترتِك

أنا اخترتِك

عِشِقتِك مهمـا لامونى
ياقلبى وروحى وعيونى
وحبِّيتِك وفَضَّلتِك
على كل اللِّى شاغلونى
وخَلِّيتِك على بالى
وطول الوقت فى خيالى
وبأحاسيسى أنا اخترتِك
وكل مشاعرى وشجونى
وشُفتِـك جُوَّه أحلامـى
هنايـا وسَعـد أيامـى
ولَمَّا اصحَى وانا ف سيرتِك
أقول ياريـت ماصَحُّونـى.

شعر/محمود العزب

نشرت تحت تصنيف سيدتى بأقلام مبدعين

أعَز الحَبايب شعر/محمود العزب

2013-634996701575016957-501

مَـصـرهيَّـهْ أُمـى
وشايلـهْ كُـل هَمِّـى
وعشان كِدَه بافديهـا
بِروحى ياناس ودَمِّى
وطول عُمرها عظيمَهْ
علشان عليها القيمَهْ
وحَلاوتها اللِّى فيهـا
بِتِجبُرنى ان اسَمِّـى
وبتجـذِب أى واحِـد
وبتغلِـب كُل جاحِـد
وتعادى اللِّى يعاديهـا
وتـعَـلِّـم أى أُمِّـى
وهيَّهْ أعَـز الحبايـب
والقلب فيهـا دايـب
ولَمَّا اذكُرهـا دايمـاً
باقولها بمَلـوْ فَمِّـى
*مَصـر هيَّـهْ أُمـى*
*مَصـر هيَّـهْ أُمـى*

نشرت تحت تصنيف سيدتى بأقلام مبدعين

مُستحيل ….شعر/محمود العزب

مُستحيل ….شعر/محمود العزب


مُستحيـل أقدر أخونِـك مُستحيل
وانتِ ياحبيبتى اللِّى بِتدَّاوى العليل
وكُل أملى إنِّـى ارُّد لِـك الجِميل
وانتِ حُبِّك عندى غالى وشئ جميل

ومُستحيـل اعرف اسيبِك وحدانيهْ
وانتِ كُل حياتى وانـتِ نور عِنيَّه
واللِّى بتحَـرَّك مشاعرى الإنسانيهْ
واللِّى بِتخَلِّينـى اقاوم أى ليل

ومُستحيل اصبُر على بُعدِك ثوانى
والاَّ أقـبَـل إن أخَّرلِـك أمانـى
والاَّ أفضَّل يوم عليكـى حُب تانى
وانتِ ياروحى الهوا وما لِك مَثيل.

نشرت تحت تصنيف سيدتى بأقلام مبدعين

الشاعر محمود العزب يكتب: روح القلب

الشاعر محمود العزب يكتب: روح القلب

روح القلب….شعر/محمود العزب

إنتِ ياروح القلب اللِّى لى
واللِّى فاضِلِّى واللِّى باقيلى
واللِّى آمالها هيَّهْ آمالـى
واللِّى انا دايب فيها ليالى
واللِّى تَمِلِّى شَدَّالى حيلى

وانتِ ساعة الجَـد سبيلى
وانا ويَّاكى بالقـى دليلى
وبِتهِمِّـك جِـداً أحوالـى
وانتِ اللِّى دايماً على بالى
وان سِبتِك لحظَهْ تِناديلى

إن سِبتِـك لحظَهْ تِناديلى.

نشرت تحت تصنيف سيدتى بأقلام مبدعين

إنتِ وبَسْ شعر استاذ/ محمود العزب

إنتِ وبَسْ شعر استاذ/ محمود العزب.

إنتِ وبَسْ شعر استاذ/ محمود العزب


إنتِ وبَسْ شعر استاذ/ محمود العزب


إنتِ ياحُبِّى حبيبتى وبَسْ

وانتِ بقُربى بازيد النُص

وانتِ بعيده باحِس بنَقص

وباشعُر وانا ويَّاك بالرَّاحَهْ

وكيميا مابينَّا وبينَّا صراحَهْ

وتفاهُمنا ياروحى بِتحَـس

وامَّا بنِبعِد يوم عن بعض

بيشمَت فينا طوب الأرض

وعنينـا بتِتعَـب مِ البَص


وعنينـا بتِتعَـب مِ البَص

نشرت تحت تصنيف سيدتى بأقلام مبدعين

اهويني …. كلمات الأستاذ // محمود عزب

إهوينى

ضُمِّينى فى حُضنِك ضُمِّينى
ياأحلـى الحِلوات فى عينى
وخَلِّينـى أحِبِّـك ودعينـى
أرتِشـفُ هَواكـى واروينى
وارتاحـى بيـن زراعيَّـا
وحِبِّينـى أكتـر واهوينـى
يارفيقةْ دربى طول عُمرى
وعَشيقةْ قلبـى وسنينـى.

نشرت تحت تصنيف سيدتى بأقلام مبدعين

ملاك…..شعر/محمود العزب

ملاك…..شعر/محمود العزب

إنتِ اللِّى روح الرُّوح ياملاك

ولا ف قلبى وعقلى سِـواك

وعنـدى إنـتِ بالدُنـيـا

وطول العُمـر وانا باهواك

وبادعى ربِّنا يحميـك

وبارِك فيكى ويخَلِّيـك

ولاتِـحتارى ولاثانيـهْ

وتِلقى الرَّاحهْ فى دُنياك

وتِبقى تَمَلِّى فى العالى

وتـحَقَّـقيلـى آمالـى

مابين الخَطوهْ والتانيهْ

والاقى السَعـد كُلُّهْ معاك

والاقى السَعد كُلُّهْ معاك.