نشرت تحت تصنيف مطبخ الشيف ميفى، المطبخ

طريقة تحضير كبدة الدجاج بالثوم والليمون

طريقة تحضير كبدة الدجاج بالثوم والليمون

نتيجة بحث الصور عن طريقة تحضير كبدة الدجاج بالثوم والليمون

مقادير تحضير كبدة الدجاج:

  • 500 غرام كبدة دجاج مع القلب (القلوبات).

  • 500 غرام بصل مقطع جوانح يمكن تقليل الكمية حسب الرغبة لكن كبدة الدجاج تحب البصل.

  • حبَّتي فليفلة خضراء مقطعة أقلام رفيعة.

  • عشرة فصوص ثوم مهروس.

  • ربع كوب عصير الليمون.

  • ملعقة صغيرة كمون.

  • ملعقة صغيرة بابريكا حلوة (اختياري)

  • نصف ملعقة بهارات مشكلة.

  • فلفل أسود حسب الرغبة.

  • ملح حسب الرغبة.

  • ملعقة كبيرة زبدة.

  • خمس ملاعق كبيرة زيت نباتي.

  • ملعقتين كبيرتين زيت الزيتون.

  • نصف كوب بقدونس مفروم ناعم.

  • نصف كوب خل أبيض ونصف ليمونة شرائح للغسيل والنقع.

خطوات تجهيز كبدة الدجاج:

  • تأكدي دائماً من الحصول على اللحوم من مصادر موثوقة وأن تكون طازجة.

  • اغسلي كبدة الدجاج جيداً وتخلصي من التجلطات الدموية العالقة فيها، حيث تحتاج كبدة الدجاج إلى مجهود أكبر في التنظيف من كبدة الخروف أو البقر.

  • افصلي القلب عن الكبدة، وقطعي الكبدة إلى مكعبات متوسطة الحجم، وتأكدي من إحداث شق طولي في القلب أو قطعيه إلى قطعتين كي لا يحبس السوائل في داخله وينفجر أثناء طبخه.

  • انقعي الكبدة في الخل وشرائح الليمون واتركيها لنصف ساعة.

طريقة تحضير كبدة الدجاج بالثوم والليمون

  1. قومي بتذويب الزبدة مع الزيت النباتي على نار متوسطة، ثم أضيفي جوانح البصل والفليفلة الخضراء الحلوة، كما يمكن أن تضيفي قرن فليفلة حارَّة حسب الرغبة.

  2. قلبي المكونات جيداً حتَّى تذبل (3-5 دقائق) ثم أضيفي إليها البهارات (ملح، فلفل، كمون، بهارات مشكلة، بابريكا حلوة)، كما يمكن الاستعانة بورقة غار وعود من القرفة للتأكد من القضاء على أي زنخة في الكبدة.

  3. قلبي المكونات مع البهارات، ثم قومي بتصفية الكبدة من الخل وشرائح الليمون وأضيفيها إلى باقي المكونات.

  4. اتركي الكبدة على نار متوسطة، واحذري جيداً لأن كبدة الدجاج تُحدث بعض الانفجارات أحياناً (فرقعة ناتجة عن السوائل مع الزيت الساخن) ما يؤدي إلى خروج الزيت من المقلاة أو وعاء الطبخ، لذلك يفضل أن نقوم بتغطية الكبدة عندما تبدأ بإصدار أصوات الانفجارات باستخدام مصفاة بحيث لا تحبس البخار ولا تسمح للزيت بالخروج في نفس الوقت.

  5. قومي بتقليب الكبدة جيداً وبحذر لمدة عشر دقائق تقريباً، ثم تذوقيها لتختبري نضجها، تحكمي بكمية السوائل حسب الرغبة حيث يمكنك التخلص من السوائل أو انتظارها لتتبخر أو الحفاظ عليها.

  6. أضيفي البقدونس المفروم وقلبيه لدقيقة واحدة ثم أطفئي النار (تحتاج الكبدة حوالي 15-20 دقيقة لتنضج).

  7. امزجي عصير الليمون مع الثوم المهروس القليل من الملح وأضيفيه إلى الكبدة لتكون جاهزة للتقديم.

ختاماً… تعتبر سندويشات الكبدة من الأطعمة الشرقية المفضلة لدى الكثير من الناس، وتختلف الإضافات من دولة عربية إلى أخرى حيث يمكن إضافة الطماطم والبقدونس ودبس الرمان…إلخ، كما يمكن تقديم الكبدة  مع الخبز إلى جانب أي نوع من أنواع السلطات وخاصَّة التبولة اللبنانية.

نشرت تحت تصنيف مطبخ الشيف ميفى

The BEST Chicken and Vegetable Stir Fry طبق صيني رائع النودلز بالدجاج و الخضر من مطبخ الشيف ميفى

The BEST Chicken and Vegetable Stir Fry طبق صيني رائع النودلز بالدجاج و الخضر

نشرت تحت تصنيف مطبخ الشيف ميفى

الحواوشي الإسكندراني «العيش باللحمة» من مطبخ الشيف مبفى

الحواوشي الإسكندراني «العيش باللحمة»

طريقة الحواوشي الإسكندراني

مقادير العجينة :
3 ونصف كوب دقيق
ذره ملح
1 ونصف ملعقة كبيرة بيكنج باودر
قطعة خميرة بيرة بحجم عين الجمل أو 1 ونصف ملعقة كبيرة خميرة فورية
ملعقة كبيرة سكر
كوب حليب دافئ
علبة زبادي
ربع كوب زيت

الطريقة :
تخلط المواد الجافة سويا «الدقيق والملح والبيكنج باودر» ويضاف إليها الحليب الدافئ المذوب في الخميرة والسكر ويضاف الزبادي والزيت ويعجن الكل جيدا ويترك حتى تخمر العجين. في هذه الأثناء يتم تحضير اللحم كالتالي:
1 كيلو لحم مفروم
ملح وفلفل وبهارات مشكل
2 بصلة متوسطة
2 طماطم
1 فلفل أخضر حار
1 حزمة بقدونس
الطريقة :
يتبل اللحم ويضاف إليه البصل المفروم ويخلط جيدا ثم يضاف البقدونس والطماطم ويخلط الخليط جيدا يقسم الخليط إلى كرات متساوية ويمكنك الاستعانة بمعيار موحد ولنستعمل معيار الكوب حين يخمر العجين يقسم العجين إلى كرات متساويه لعدد كرات اللحم نبدأ بفرد العجين على سطح مرشوش بالدقيق ونكون شكل قرص دائري نفرد اللحم على نصف قرص العجين الدائرى جيدا بواسطه راحة اليد ثم نطبق عليه العجين ونشكل شكل نصف دائري وبواسطه شوكة نقفل العجين من الأطراف جيدا ونثقب بواسطة الشوكة من منتصف العجين حتى يسمح للخبز بالنضج بواسطة فرشاة يتم دهن الخبز بالحليب ثم يدخل إلى فرن متوسط الحرارة (180 درجة) لمدة من ثلث إلى نصف ساعة وأحيانا يحتاج الأمر لاستعمال شواية البوتجاز حتى يحمر الوجه مع توخي الحذر مده 3 دقائق إضافية. ويقدم مع المخلل وشرائح الطماطم والخيار

وبالهناااااااا والشفاااااااااااا

 

نشرت تحت تصنيف مطبخ الشيف ميفى

الكبده الاسكندرانى من مطبخ الشيف ميفى


مقادير الكبدة الإسكندرانى:
1 كيلو كبدة بتلو
3 فصوص ثوم مهروسين
2 فلفل رومى أخضر
2 فلفل أخضر حار
1 ليمونة
ملح وفلفل وكمون

طريقة عمل الكبدة الإسكندرانى:

1- تقطع الكبدة إلى شرائح بالطول، وتنقع الكبدة حوالى ساعة فى اللبن، وهذه هى الطريقة الوحيدة والأمثل لتنقيتها من السموم بدون خروج الفائدة منها.
2- ضعى ملعقة زيت فى إناء ساخن وشوحى فيها فص ثوم مع الملح والفلفل والبهارات والشطة حسب الرغبة ثم نضع الكبدة ونقلب ليتغير لونها.
3- بعد تمام نضج الكبدة نضع الفلفل وعصير الليمونة والكمون، حتى يحتفظ بالطعم، ويمكنك تقديمها مع سلطة الطحينة وعملها ساندوتشات أو مع المكرونة.

نشرت تحت تصنيف مطبخ الشيف ميفى

الفطير المشلتت من مطبخ الشيف ميفى

الفطير المشلتت بالصور خطوه بخطوه


المقادير:
دقيق
معلقه صغيره ملح
ماء للعجن
مافيش ابسط من كده
وطبعا سمنه حلوه كده لزوم الطبقات بتاعت الفطيييير
ندخل فى الخطوات
نعجن كل المقادير حتى الحصول على عجينه لينه وطريه اووووى بس ماتلزقش فى الايد ونعجنها حلو اوى عشان لما نفردها ماتتقطعش مننا زى كده


وبعد كده اقطعها كور صغيره وده لان المساحه اللى انا بفرد عليها مش كبيره صغيره واضعها فى وعاء مدهون بالزيت زى كده


وسيبيها تريح على الاقل نصف ساعه ونعرف ان هى بقيت خلاص جاهزه على الفرد لما نغرز صباعنا فيها والعجينه ماتردهاش تانى زى الصوره ديه


وبعد كده ماخد كوره ونفردا بالنشابه لحد ماتبقى زى ورقه السيجاره رفيعه جداااااا وشفافاه وندهنها سمنه ونقفلها مربع زى الصور


وطبعا فردت الكوره وادهنها بالسمنه وبعد كده احط اللى انا مطبقاها من قبل كده جواها وبعد كدها اقفلها لحد ماخلصت كل الكور احطها فى الصينيه واسيبها شويه تريح وبعد كده افردها فى الصينيه والصور هتوضح اكتر

وبعد كده ادخلها الفرن واكون مشغله الفرن من قبل كده على درجة من 180الى 200درجه ومشغله مع الفرن الشوايه وهى بتستوى هتلاحظو انها بتتنفخ زى عجينه الباف بسترى وده طبعا بفضل السمنه اللى جوه الفطيره فبتخليها تعمل طبقات وتتنفخ وده شكلها بعد ما استوت

اظن ديه موضحه اكتر انها منفوخه

وده شكل الطبقات من جوه

ويارب يكون الفطييييير المشلتت عجبك

نشرت تحت تصنيف مطبخ الشيف ميفى

الحمام الكداب من مطبخ الشيف ميفى

الحمام الكداب بالصور و الخطوات
اولا هو اسمه الكداب لانه شبه الحمام
*وراك او صدور مخليه.انا هنا عملا وراك لانى مش بحب الصدر

خلى عظم الورك سهل جدا
ونتخلص من عظمة الفخد اولى وهى الحوض تقريبا
للدجاج

ه ثم نمشى مع عظمة الساق بالسكين وقد نزيح بيدنا معها وبطرف السكين نتخلص من اللحم الذى حول الفخذ
ثم نكسر هذة العظمة تاركين المفصل الاخير للمنظر حوال عقله ونصف من الاصبع 00

وبعدين بتفردى الورك وتفتحى اللحم بتاعه بالسكينة


*نتبلها بملح وفلفل

 


نعمل خلطة رز زى رز الحمام بالظبط(رز +بصل+ملح +وفلفل)
ونسويه نص سوى على النار.لان الفراخ بتستوى بسرعه

 


نفرد الورك ونحشيه بالارز بس مش كتير يادوب معلقه ونقفلها بالخله من كل الجوانب.لو معندناش خله هنعمل ايه.هنلفها الاول باسترتش وبعدين فويل

 


فى طاسة هنحط شوية زيت ونشوح فيها الحمام الكداب ربنا يسامحه ههههههههه

 


نكون محضرين حله فيها ماء مغلى وبصلايه وورق لورى وحبهان وننزل الورك فيها.مش بياخد سوى كتير خالص ااقل من الفراخ العاديه كمان .بس اهم حاجه نكون سوينا الرز نص سوى

 


دى بعد مااتسلقت..فى طاسه وشوية زيت ونحمرها وممكن كمان نحمرها فى الفرن

 

 

 


يقدم مع ارز حبة وحبة او مكرونة

 


وصحتين على قلبك حبيبتى

نشرت تحت تصنيف مطبخ الشيف ميفى

الحمام المحشى من مطبخ الشيف ميفى


0
نبدأ على بركة الله
نجهز الحمام بغسله جيداً ..
انا بيجيلى متنضف وجاهز يادوب اغسله كويس ويبقى جاهز للحشو

نجهز الفريك (نغسله وننقعه فى ماء لمدة نصف ساعة)


فى حلة متوسطة نضع ملعقتين سمن
ثم نضع الفريك بعد تصفيتة من الميه ونقلب لنحمره وبعد التقليب حوالى 5 دقائق نضيف الماء الساخن ..
الماء يغطى الفريك فقط يعنى مش كتير

واضح فى الصورة دى انه الماء مش كتير
ونضع الملح والفلفل الاسود
وحوالى دقيقتين او 3 هانلاقى الفريك شرب كل الماء بتاعته نخليه على جنب لغاية ما يبرد

وبعد ما يبرد الفريك نبدأ نحشى الحمام

وبعدين فى طريقتين
ياما نخيطه ونقفل باالخيط
وبعد كدة نجيب ابرة وخيط ..
انا بعقم الابرة بانى احرقها على النار وبعدين امسحها بمنديل نظيف ..
ونبدأ نخيط فتحة الحمام .. وبخيط الرقبة كمان علشان مايكونش فيه اى منفذ الفريك يخرج منه

او بدون خيط بس نعتمد على ان ماء السلق يكون بيغلى قوى واول ما بينزل بيقفل الجلد

فى حلة كبيرة نغلى الماء .. وأول ما يغلى انزل فيه الحمام
ولو لقيت أى ريم ظهر على وش الماء اشيله وبعدين احط بصلة وملح وفلفل اسود وورق لورا والتوابل اللى احبها
وهاياخد تقريباً نصف ساعة ويستوى
وبعدها أطلعه واصفيه من الشوربة

أخيراً أحمره فى السمن البلدى أو زبدة ومعاها ملعقة زيت علشان مش تتحرق
بس طبعاً السمن البلدى بيدى طعم الحمام الأصلى


وصحتين

…………………………………………………
الحمام المحشى ارز

المقادير

حوالى كوب و نصف أرز مغسول و منقوع( أو على حسب عدد الحمام)
حمام بعدد أفراد الأسرة
توابل
بصل مفروم ناعم
فلفل أخضر و أحمر للزينة

الطريقة

نشوح البصل المفروم على النار حتى يصفر قليلا ثم نضيف له كبد و قوانص الحمام بعد تقطيعها قطع صغيره

نشوحهم قليلا و نضيف قليل من الملح و الفلفل الأسمر و البابريكا
نضيف الأرز و نستمر بالتشويح قليلا ثم نطفئ النار
هنا أضفت ملعقتين من صلصة الطماطم على الخلطة ( تجعل الأرز له طعم خااااااااص)
نقوم بحشو الحمام من الداخل و بين الجلد و حول الرقبه و نغلقه بخلة الأسنان جيدا
نقوم بغلى كمية من الماء على النار و نتأكد من تمام الغليان ( حتى لا يفك الحمام)
ثم نضيف ملح و فلفل وبابريكا و قرنفل و زنجبيل و حبهان للماء المغلى
و نبدأ فى إسقاط الحمام واحدة بعد الأخرى
بعد حوالى نص ساعه نخرج الحمام من الماء و نتركة ليصفى جيدا
نرص الحمام فى طاجن بايركس و على المايكرويف على الجريل فقط لمدة نصف ساعة مع التقليب على الناحيتين
و هذا هو الشكل النهائى

صحتين وعافية

زينتها بالفلفل الألوان

 

نشرت تحت تصنيف مطبخ الشيف ميفى

بانية مقرمش بدقيق الذرة

بانية مقرمش بدقيق الذرة

شرايح صدور فراخ – دقيق ذره – بصله وملح وفلفل -زيت للقلى

تبلت شرايح الفراخ بالبصل وملح وفلفل اسود وتركتهم فى التلاجه -غمرت الشرايح فى بيض

وغلفته بدقيق الذره

حمرته فى زيت سخن غزير

ويقدم مع بطاطس محمرة ومكرونة وسلطة خضراء

نشرت تحت تصنيف مطبخ الشيف ميفى

كباب حله من مطبخ الشيف ميفى

طريقه كباب الحله

بسم الله
اولا المقادير :

حوالي كيلو لحمه (طبعا علي حسب عدد افراد اسرتك )
3 او 4 بصلات كباااااار
توابل اللي تحبيه انا حطيت فلفل اسود و كبابه صيني و توابل لحمه و روز ماري و قرفه نص معلقه من كل نوع
بس كده شايفين المقادير سهله ازاي

الطريقه بقي :

هانقطع اللحمه قطع صغيره الي حد ما ذي كده

 


و هانقطع البصل جوانح كده
هانجيب حله حلوه كده ذيك
وهانحط فيها شويه سمن علي زيت
و نسبها تسخن و ننزل بالبصل
نفضل بقي نقلب فيه لحد ما بيصفر و يتحمر شويه
و بعد كده نضيف التوابل و نقلب
نحط بقي اللحمه و نقلبها كويس مع البصل و ماتحطيش ملح غير في الاخر هاقولك امتي

 


هنوطي النار خاالص و نغطي الحله كويس و نسبها بقي تنزل اللحمه ميتها و تسوي نفسها بس كل شويه تبصي عليها عشان لو خلصت ميها تضفلها كوبايه كوبايه كده لحد ماتستوي و في اخر كوبايه هاتحطيها قرب ماتستوي تضيفي الملح بقي
وهنا وهي في نص سوها
هي تاخد وقت شويه بس بجد تستحق
بعد ماتستوي بقي تولعي فحمايه حلوه كده و تحطيها في قشره بصله و تحطيها في الحله و عليها شويه صوص من اللحمه و اقفلي الحله و دوقي بقي احلي كباب حله والله رووووعه
وده جزء منها عن قريب

 

و مش طالبه منكم بقي غير دعوه حلوه ليه

الشيف ميفى

نشرت تحت تصنيف مطبخ الشيف ميفى

ايه اصعب اكلة عليكى وحابة تعرفيها..مع الشيف ميفى مافيش مستحيل

ايه اصعب اكلة عليكى وحابة تعرفيها

الموضوع بسيط
ح انزلكم وصفات لاصعب الاكلات المصرية
واللى عايزة وصفة معينة تطلبها وانا تحت امركم
مع مطبخ ميفي
الكل مش حيبقي بنفسه شئ

الشيف ميفى