نشرت تحت تصنيف سيدتى بأقلام مبدعين

أبو تميم الشاعر..مش ب اشتكيك

أبو تميم الشاعر..مش ب اشتكيك

مش ب أشتكيك ..
ولا حتى بارمي اللوم عليك ..
كل اللي جوه فـ قلبي إنت بتعرفه ..
ومشاعري دنيا ملك ليك ..
بس الحكايه إني يوم ما احتاج إليك ..
ب ألاقيك ب تبعد عني وتسيبني كدا
أفضل أنادي كثير عليك ..
مش ب أشتكيك ..
ولا حتى بارمي اللوم عليك ..
قربلي ذي زمان دا أنا .. و.. حَيَاتـِي .. بيك ..
يمكن أكون غلطان فـ حقك حبتين ..
أو كنت قصرت فـ معامله من سنين ..
آه .. بس أنا وحياة غلاوتك
.. حبي ليك ..
مش ب أشتكيك ..
ولا حتى بارمي اللوم عليك ..
شايف حياتي والزمن ويا الظروف ..
ممكن أضيع أو حتى استسلم لخوف ..
ويكون بعادك دا سبب للي إحنا فيه ..
لكن أكيد حبك ح يديني الأمل
ويأخدني ليك
مش ب أشتكيك ..
ولا حتى بارمي اللوم عليك ..
أنا بيك ب أعيش و ب أتحدى الحياة
وبقول لروحي ازاي أنول لحظة رضاه
ونكمل الرحلة وأنا دايما معاه
م أنا برضوا وحياتك مليش غير حبي ليك ..
مش ب أشتكيك ..
ولا حتى بارمي اللوم عليك ..
الشاعر / أبو تميم