نشرت تحت تصنيف سيدتى بأقلام مبدعين

يا ألف غرام والغرام تباريح بقلم عادل عوف

في زحمة ليل غريب مقهور
لقلب غريق وعطشان نور
بشوفك ضي للسكة
ونس
وأنيس
واشوفك واقفه بتغنى مع الفوانيس
في شارع ضلمته خنقاه
واشوفك ضحكة بتذغرد
وكام نسمايه بتبرد في صهد حياة
لأنك فيه شئ غالب
ف نفس البشرة والقالب
وموجب روحى والسالب
يا توأم روحى والمعناه

يا صبر طويل على الأيام
ضفايرك كفها مراجيح
واقفه تطفشى الأحزان
يمين وشمال بقلب جريح
بقالك كام على ده الحال
يا ألف غرام
والغرام تباريح
عادل عوف