نشرت تحت تصنيف سيدتى بأقلام مبدعين

أكتبينى جوه قلبك ألم

أكتبينى جوه قلبك ألم

 

أكتبينى جوه قلبك ألم

أكتبينى جوه قلبك ألم 
وأرسمينى فوق شفايفك آه 
وخلى صورتى جوه عينك دموع
ولما يسألك صحابى قولى 
كان قلب وراح 
لما كبرنا وفرحنا لقيت
كل اللى بينا سد
والزمن موجه عالى , مره جذر ومره مد
بصيت لصورتى ف المرايا ودققت
لقيت أنا ولا أنتى حد 

كلنا بنعيش بنحلم
بالسراب
وسنين الزمن بتعد
ولما نصحى م المنام
نشوف الحقيقة
كان حلم وراح 

واللى سابه لنا م الذكريات
جراح
نقوم نداوى جرح تتفتح من تانى
جراح
هو جرح الزمن ليه دوا
ما طول عمرالزمن جرحه يفضل
ندوب و جراح
وتضيع الخطاوى وسط الدروب
ونمشى ف الطريق
غريبين
واحد فينا هنا وواحد فينا راح 

وأرجع أأولك
أكتبينى جوه قلبك ألم
وأرسمينى فوق شفايفك آه
وخلى صورتى جوه عينك دموع
ولما يسألك صحابى قولى
كان قلب وراح
———-
معلم فحمه ,,؟؟!!