نشرت تحت تصنيف سيدتى بأقلام مبدعين

شـئ أكيـد شعر/محمود العزب

نتيجة بحث الصور عن إنـتِ حُبِّك شـئ أكيـد

شـئ أكيـد

شعر/محمود العزب

إنـتِ حُبِّك شـئ أكيـد 
ياحبيبتـى ومُش جديـد
وفيهْ زيـاده كُـل مـادا
وشايفُهْ ماشى فى الوريـد

وانتِ طول عُمرِك عشيقتى
والحيـاه ياحياتـى إنـتِ
وبالقَـىَ فى هَواك السعاده
وكُـل شئ حِلـوْ ومُفيـد

وجُوَّه قلبى انـتِ سِكِنتى
وف عيونى ياروحـى بِنتى
وحُبِّى فيـك بَقَىَ زى عاده
ويوم لُقانـا بيبقَـىَ عيـد.

5/9/2017

نشرت تحت تصنيف سيدتى بأقلام مبدعين

إيهْ النِّظام شعر/محمود العزب

إيهْ النِّظام

شعر/محمود العزب

هُوَّه إيه بَـسْ النِّظام
وانتِ حُبِّك مُش كلام
وانتِ قَمَرى وانتِ عُمرى
وانتِ ياحياتـى الغرام
وشاغلَهْ أفكارى وخيالـى
وبابقَىَ ويَاك ف انسِجام
وكُل يوم وانتِ فى بالـى
وبالقَى عشَقِك فى المنـام
وانتِ أجمَـل حُب عَندى
وانـتِ روحـى ع الدَّوام
وانـتِ واخده كُـل وِدِّى
وكُل حُبِّى والسلام.

21/4/2016

نشرت تحت تصنيف سيدتى بأقلام مبدعين

آخرِةْ صَبرى شعر/محمود العزب

آخرِةْ صَبرى

شعر/محمود العزب

حَبِّيتِك ياحياتـى وحُبِّـى
ولَقيتِك فى دماغى وقلبـى
وخَلِّيتِك ساكنَهْ فى مَشاعرى
ولحُبِّـك ماقدِرت أخَبِّـى

وباكتِب لِك أشعارى أغانـى
مليانَـهْ حُـب على أمانـى
ولَقيت انِّـك آخرِةْ صَبرى
وطول عُمرِك تَعَبِك مِن تَعَبى.

15/4/2016

نشرت تحت تصنيف سيدتى بأقلام مبدعين

بِكُل وضوح شعر/محمود العزب

بِكُل وضوح

شعر/محمود العزب

حبيبتى انتِ اللِّى بِتخَلِّى لحياتـى روح
وحُبِّـك دا مِلازمنـى وفيـن ماباروح
وعِشقِـك حِلـوْ وساكِنِّـى ولابيروح

وف الأحلام ياروح القـلـب بِتجينـى
وبِتخَلِّينـى انام واقفِـل عليك عينـى
ولَمِّـا اصحَـىَ على حُبِّك بِحُبِّى أبوح

وباتـأَكِّـد بـإنِّـك روحـى وهوايـا
ومالكَهْ كُل أحاسيسـى اللِّى جُـوَّايـا
وانا عاشقِك يانورعينـى بِكُل وضوح.

9/4/2016

نشرت تحت تصنيف سيدتى بأقلام مبدعين

مَدَّاح القَمَر شعر/محمود العزب

مَدَّاح القَمَر

شعر/محمود العزب

وأقول لِك إيهْ وانا اقول لِك
علشان نِرتاح

ومَشاعرى تِوصَل لِمشاعرِك
ونعيش بِنجاح

وحياتنـا تِزهزه مع حُبِّك
مِسا ويَّا صباح

وقَمرنا ياقَمرى بِغار مِنِّـك
لَوْ بَدرِك لاح

وانا قلبى اللِّى بيِسأل عَنِّك
فى هَواك مَدَّاح.

5/4/2016

نشرت تحت تصنيف سيدتى بأقلام مبدعين

نِفسى شعر/محمود العزب

نِفسى اشوفِك ياحياتى بدون هُموم
كُل ثانيهْ وكُل ساعهْ وكُـل يـوم
والسعاده عايشهْ فيهـا وبِتلاقيها
والقمـر نَوَّر لياليـك والنُّجـوم
والمصاعِـب كُلَّهـا قادره عليها
والمتاعِـب سهلهْ وانتِ بتزيليها
وتِبقى فرحانهْ ونقول على حُبِّك
يدووووووووووووووووووووم.

5/11/2015

شعر/محمود العزب

نشرت تحت تصنيف سيدتى بأقلام مبدعين

زينةْ النَّاس ….شعر/محمود العزب

زيدينى معـاك إحساس
يامَحبوبتى يازينةْ الناس
وحِسِّـى بااللِّى جُوايَّـا
وبااللِّى ف حُبِّى من إخلاص
وانا طول عُمرى باحتاج لِك
وباعشَق فيك وباشتاق لِك
ياعقلى وروحـى وهَوايـا
وقلبى بِحِـب فيـك بحماس
ومِـن حُـبِّـك أنـا طايـر
وشَـدَّه عيونـى بضفايـر
مافيـش مِنهـا فى دُنيايـا
وضَىْ عِنيـك قَمَـر ونَّاس.

شعر/محمود العزب

1/11/2015

نشرت تحت تصنيف سيدتى بأقلام مبدعين

أعَز الحَبايب شعر/محمود العزب

2013-634996701575016957-501

مَـصـرهيَّـهْ أُمـى
وشايلـهْ كُـل هَمِّـى
وعشان كِدَه بافديهـا
بِروحى ياناس ودَمِّى
وطول عُمرها عظيمَهْ
علشان عليها القيمَهْ
وحَلاوتها اللِّى فيهـا
بِتِجبُرنى ان اسَمِّـى
وبتجـذِب أى واحِـد
وبتغلِـب كُل جاحِـد
وتعادى اللِّى يعاديهـا
وتـعَـلِّـم أى أُمِّـى
وهيَّهْ أعَـز الحبايـب
والقلب فيهـا دايـب
ولَمَّا اذكُرهـا دايمـاً
باقولها بمَلـوْ فَمِّـى
*مَصـر هيَّـهْ أُمـى*
*مَصـر هيَّـهْ أُمـى*