شعر/محمود العزب

شـئ أكيـد شعر/محمود العزب

Posted on

نتيجة بحث الصور عن إنـتِ حُبِّك شـئ أكيـد

شـئ أكيـد

شعر/محمود العزب

إنـتِ حُبِّك شـئ أكيـد 
ياحبيبتـى ومُش جديـد
وفيهْ زيـاده كُـل مـادا
وشايفُهْ ماشى فى الوريـد

وانتِ طول عُمرِك عشيقتى
والحيـاه ياحياتـى إنـتِ
وبالقَـىَ فى هَواك السعاده
وكُـل شئ حِلـوْ ومُفيـد

وجُوَّه قلبى انـتِ سِكِنتى
وف عيونى ياروحـى بِنتى
وحُبِّى فيـك بَقَىَ زى عاده
ويوم لُقانـا بيبقَـىَ عيـد.

5/9/2017

إيهْ النِّظام شعر/محمود العزب

Posted on Updated on

إيهْ النِّظام

شعر/محمود العزب

هُوَّه إيه بَـسْ النِّظام
وانتِ حُبِّك مُش كلام
وانتِ قَمَرى وانتِ عُمرى
وانتِ ياحياتـى الغرام
وشاغلَهْ أفكارى وخيالـى
وبابقَىَ ويَاك ف انسِجام
وكُل يوم وانتِ فى بالـى
وبالقَى عشَقِك فى المنـام
وانتِ أجمَـل حُب عَندى
وانـتِ روحـى ع الدَّوام
وانـتِ واخده كُـل وِدِّى
وكُل حُبِّى والسلام.

21/4/2016

آخرِةْ صَبرى شعر/محمود العزب

Posted on Updated on

آخرِةْ صَبرى

شعر/محمود العزب

حَبِّيتِك ياحياتـى وحُبِّـى
ولَقيتِك فى دماغى وقلبـى
وخَلِّيتِك ساكنَهْ فى مَشاعرى
ولحُبِّـك ماقدِرت أخَبِّـى

وباكتِب لِك أشعارى أغانـى
مليانَـهْ حُـب على أمانـى
ولَقيت انِّـك آخرِةْ صَبرى
وطول عُمرِك تَعَبِك مِن تَعَبى.

15/4/2016

بِكُل وضوح شعر/محمود العزب

Posted on Updated on

بِكُل وضوح

شعر/محمود العزب

حبيبتى انتِ اللِّى بِتخَلِّى لحياتـى روح
وحُبِّـك دا مِلازمنـى وفيـن ماباروح
وعِشقِـك حِلـوْ وساكِنِّـى ولابيروح

وف الأحلام ياروح القـلـب بِتجينـى
وبِتخَلِّينـى انام واقفِـل عليك عينـى
ولَمِّـا اصحَـىَ على حُبِّك بِحُبِّى أبوح

وباتـأَكِّـد بـإنِّـك روحـى وهوايـا
ومالكَهْ كُل أحاسيسـى اللِّى جُـوَّايـا
وانا عاشقِك يانورعينـى بِكُل وضوح.

9/4/2016

مَدَّاح القَمَر شعر/محمود العزب

Posted on Updated on

مَدَّاح القَمَر

شعر/محمود العزب

وأقول لِك إيهْ وانا اقول لِك
علشان نِرتاح

ومَشاعرى تِوصَل لِمشاعرِك
ونعيش بِنجاح

وحياتنـا تِزهزه مع حُبِّك
مِسا ويَّا صباح

وقَمرنا ياقَمرى بِغار مِنِّـك
لَوْ بَدرِك لاح

وانا قلبى اللِّى بيِسأل عَنِّك
فى هَواك مَدَّاح.

5/4/2016