نشرت تحت تصنيف سيدتى بأقلام مبدعين

الشاعر محمود العزب يكتب…أنا اخترتِك

أنا اخترتِك

عِشِقتِك مهمـا لامونى
ياقلبى وروحى وعيونى
وحبِّيتِك وفَضَّلتِك
على كل اللِّى شاغلونى
وخَلِّيتِك على بالى
وطول الوقت فى خيالى
وبأحاسيسى أنا اخترتِك
وكل مشاعرى وشجونى
وشُفتِـك جُوَّه أحلامـى
هنايـا وسَعـد أيامـى
ولَمَّا اصحَى وانا ف سيرتِك
أقول ياريـت ماصَحُّونـى.

شعر/محمود العزب

نشرت تحت تصنيف سيدتى بأقلام مبدعين

باحبك شعر محمود العزب

باحبك شعر محمود العزب

 

شَدِّنى العِنوان أخَطَط لِك رِموشِك
خَلِّـى حَبَّـه لَمَّـا اشوفِـك
خَبِّرينى بالمكان والوقت والمجهول
عَلِّمينى لَمَّا هانطَق إيه هاقول
من معانى الحُب لَكْبَر من جروحى
وانجِدى الإنسان ياروحى لو يكون
أصغر مافِى عنيـه المَحبَّـه
واكبـر مافى رجوعُه القُبول
شَدِتينى ألف مَرَّه لِسَّـه فاكِـر
فى ارتعاشه من إيديكى غَيَّرتنى
رجَّعِـت مِنِّـى اللِّـى سافِـر
فى التفاته من عيونِك وقَّعتنى
غَصـب عَنِّـى ع الشفايـف
لاحتمال الحِلم هاحضُن فى الضَفاير
لَجل احقَّق وانول
كُل ماتمَنَّى لحبيبه
والحقيقه لمَّا احبِّك
هاكتِب العِنوان وقلبى ويَّـا قلبِك
ينجِدوا الإنسان ياروحى لو يكون
أصغَـر مافى عنيه المحبَّه
واكبر مافى رجوعُه القُبول
أكبر مافى رجوعُه القُبول.